Am y tair blynedd ddiwethaf, mae Hosbis Dewi Sant wedi bod ag uchelgais i agor mwy o welyau yng Ngogledd-Oerllewin Cymru, gan bontio’r bwlch mewn gwasanaethau gofal diwedd oes cleifion mewnol ar draws Môn, Gwynedd a Chonwy.
Mae’r uned cleifion mewnol pedwar gwely, sy’n defnyddio ward segur yn yr ysbyty cymuned, bellach yn darparu gofal seibiant a gofal diwedd oes i bobl leol Ynys Môn sy’n byw gyda gwaeledd sy’n byrhau bywyd, yn ogystal â darparu cefnogaeth i lawer o’u hanwyliaid.
Dan arweiniad y Metron, Glenys Sullivan, mae’r tîm gofal lliniarol arbenigol yn cynnwys nyrsys, tîm meddygol a gweithwyr cymorth gofal iechyd Hosbis Dewi Sant, a fydd yn darparu gofal 24 awr y dydd, 365 diwrnod y flwyddyn.
Mae pob ystafell un gwely yn fodern ac iddynt gyfarpar llawn ar gyfer cysur, urddas a phreifatrwydd. Mae rhai ystafelloedd yn cynnig cyfleusterau en-suite a gwelyau soffa, yn darparu ar gyfer cleifion a all fod ag angen cael rhywun yn aros gyda nhw yn ystod y nos, ac yn ogystal mae yna ystafell deulu ar gyfer amseroedd tawel.
Gan weithio mewn partneriaeth â Bwrdd Iechyd Prifysgol Betsi Cadwaladr, mae Hosbis Môn yn annibynnol ar y GIG, a bydd y tîm clinigol yn cael ei gyllido gan Hosbis Dewi Sant, trwy roddion elusennol a chefnogaeth y gymuned leol.
Mae’r Bwrdd Iechyd wedi darparu’r lle ar gyfer yr hosbis yn ogystal â’r gwasanaethau cymorth, yn cynnwys arlwyo, cynnal a chadw, a TG. Bydd yna berthynas weithio agos hefyd rhwng tîm yr hosbis a gwasanaethau’r Bwrdd Iechyd lleol a meddygon teulu.
Elusen Gofrestedig Rhif: 1038543
Mae pob ystafell wely’n edrych dros dirwedd arfordirol llonyddol Penrhos neu erddi’r cowrt a phan fydd y tywydd yn caniatáu, mae’r drysau’n agor i ganiatáu i’r cleifion a’u teuluoedd dreulio amser ar y patio, gan fwynhau’r awyr iach a’r golygfeydd hardd.
Lleoliad
Hosbis Dewi Sant, Uned Loeren Sbyty Penrhos Stanley, Caergybi
Ynys Môn LL65 2QA
Ar gyfer Gweithwyr Gofal Iechyd Proffesiynol – SYSTEM GYFEIRIO
Mae Hosbis Dewi Sant yn gweithio’n agos gyda gweithwyr gofal iechyd proffesiynol ledled Gogledd Cymru.
Caiff cleifion eu cyfeiro i Hosbis Dewi Sant drwy eu Meddyg neu weithiwr gofal iechyd proffesiynol arall, drwy drafod eu hanghenion a llenwi ffurflen cyfeirio.
Ffurflenni cyweirio ar gyfer gweithwyr gofal iechyd proffesiynol – lawr lwythwch yma: